أنا بجرح المحبة يا ملا مصيوب=زاد العنا بي وجرحي زاد بي ما طاب
انا المهيم متيم في هوى رعبوب=أنا الذي شطني حب من الأحباب
راعي جديل معكرش ينغذي بطيوب=من كل طيب ينقي حقهم ينجاب
والعين الوحش والخشم له مجذوب=حلو المعنق وخده برق في سحاب
راعي أهداب الرمش والخصر له منهوب=صافي جبينه وحجاته سمر قراب
يا مالي الردف يا بو نهد مثل الشوب=زيتون لو تين لو تفاح شكل اعجاب
غضات ما يفهرن يحفن بالمس الثوب=زهن بصدر الحبيب والحسن به طاب
حبيب يا حبيبي انته المطلوب=يا مالي الساق زاهي شعر سباب
لي غضت الناس كن بضامري مشبوب=ميهال جمر الغضا وصدري قدر قلاب
أنوح يا علي بلحن وأذب في العرقوب=واجاوب الورقا بلحوني كما جاب
لأن الهوى جرني كجرت المجذوب=كما نشامي تجر أدليها لركاب
لو صحت لو نحت لا ثايب ولا مثيوب=متمشكل بالهوى وبحبكم يا أحباب
لاموني الناس والعذال قالوا : توب=وترى المحبة تعق الآدمي في انشاب
قالت اسكتوا لا تلوموني أنا منهوب=وقت العصر قلبي وخذ منيه بآنهاب
كيف إن اجبر الصبر والصبر بلا ماجوب=واسامح اللي نهب قلبي بدون اسباب
والله والله لا بسمح ولا بآتوب=بتبع هوى الحي ما دام القلب طراب