نسيم هب وألفاني هبوبه=وذكر قلبيه والقلب سالي
رياح الخل خالت في هبوبه=لفاني حز ما بدر نزى لي
بقيت أنوح والنفس مغصوبه=وقاسيت السهر والدله سالي
نسيم الصبح عايابي هبوبه=إذا هب النسيم يسج بالي
وقلبي مستصيب وزاد صوبه=وصوبي ما برى منوي زوالي
آلا ياهيه يا هذي عجوبه=حبالي الحب قصت لي حبالي
سباني الحب وأهلي ما دروا به=وخلاني سمل من دون حالي
أنا حسبي على الحب ودروبه=ياليت الحب يعدم م الليالي
لكن الحب ما تعفي دروبه=يخاوي كل من عنه يسالي
ولو للحب سوق يزقروا به=أنا بشريه وبدعي الحب مالي
وباقاول وباسكر دروبه=وبآبني سور له صخر الجبالي
لكنه معتلي وجديد ثوبه=جنوب وغرق وشرق وفي شمالي
وقلبي في المحبه مشكلوابه=تشكل قلبيه في حب غالي
صويب الحب يشفيه محبوبه=ولا للحب طب أو سؤالي
سوى حبي إذا ما سير صوبه=ويثني بالتحيه طاب فالي
أغر الجسم لي ترفه جنوبه=نحيل الخصر منقوش الدلالي