آه يا من خسر مرواحه=ما لقي ياللي له الروحه
زاير بو عين ذباحه=لي يسلي النفس بمزوحه
جيت ويلا داره براحه=من خلافه هوب مفروحه
الفرح ميح تمياحه=والكدر سقاني قدوحه
رف جفني والدمع ماحه=في الصفحات خدودي نضوحه
قمت أجر النوح بصياحه=مثل اللي غابكربوحه
ع الغضي لي حلو مصباحه=لي عليه أطول النوحه
بو جدايل سمر نشاحه=في هواه النفس مجروحه
أنا الأول في هنا وراحه=من قبل ذا اليوم وصفوحه
يا مسا ويش الهنا زاحه=وش جرى لك تحتني توحه
أن لي عادات مفراحه=وأنت زحت افراحيه زوحه
لو نغق لي طير بصياحه=كان ما روحت للروحه
روحتي ما منها أرباحه=يعلها يا زين مطروحه