حنتي حنت مراديدي=لي ولدهن شله الوادي
كم صحت ونحت ما يفيدي=وأطلب العونة من الهادي
وأشتكي لله يا سيدي=ودكم وسط القلب غادي
يا مها يا متلع الجيدي=يا شبيه الصيد بحيادي
ما تعوج اللفت وتعيدي=وتنظر اللي فوق لوسادي
له محو كتبوا ولا يفيدي=ولا دوا الدكتور له فادي
لا تشمت بي حساسيدي=عند حضر وجمع لبوادي
بالوصل جودوا الأجاويدي=من قبل لا زور الألحادي
الأسف بعدين ما يفيدي=والندم والليت ما فادي
يا شبيه الصيد لبعيدي=يرتعي في سيوح أبعادي
أنت قطعت الأساويدي=وأنت ياللي مجرح فوادي
وأنت بدت الحيل تبييدي=وأنت خليتنيه آنادي
مثل طفل حرم الديدي=يتم ويربونه أجدادي
شربي العلقم بتوكيدي=وآكلي الحنظل بالوكادي
والصبر في ريقيه زيدي=والملح في عيوني هبادي
كان ناوي ع تنفيدي=اذبحوني بحد فولادي
وادفنوني وسط لبعيدي=واكتبوا ع قبري الغادي