قلبي سرى غصبا بلا شور=لو هو مشاور كان ما سار
قفيت به والدمع قاطور=قطير شن بيد مزار
شاورني واعاصيت في الشور=وقال لي حشا هالشكل ما صار
تقفي بيه عن ترف لخصور=بو جادل يكسيه لي ثار
قلت له علامك قال مجبور=وده ملكني ملك جبار
سيد المها يشبه على الحور=وياخذ مثل من ريم الأقفار
في السن عنده طشة قصور=وفي السمت بنعده م الكبار
رابي فنق ما هوب مدحور=مع آهله عدال الأنظار
له اللبن ينصب في قدور=كريم به يوصل الجار
لبن عرابي حمر وشقور=صوغان أبوهن نقو وخيار
وليمن سرن يمطنه الكور=حرزتهن بالله م الأضرار
في شف من راعيهن يثور=ويالله عساهن عنده كثار
فرح بربعتهن ومسرور=يرتاح يلي من هب نشار
ماشي ع الذرعان قاطور=يمنح ولو لمحالب قصار
وأن جيتهم في البيت بتزور=هل سمت هل حشمة ومقدار
فنجالهم بالهيل مكثور=وبتشوف بنت سعيد في الدار
تنش قبل يبين النور=وتسمع نجرهم قبل الأنجار
عسى نجرهم هوب مكسور=بجاه خلاقي الستار
ياللي مسوي للخلق نور=وبآقصى سماه نجوم وأقمار
سلام يا مهضوم لخصور=سلام مني عشرة أمرار
يا من دعيت العظم مكسور=يعلك تجبرني م الأكسار