يا عصر الأثنين لمعونه=وين قلبي ضاع برهانه
شفت ياللي حلوة عيونه=ساهي لاهي في سبحانه
ما درى لأن العرب دونه=بين كز وبي بأعيانه
وابتسم م الخجل طشونه=وفي عياني لاحت أثمانه
كالقماش اللي يوصفونه=أو برد طايح من أمزانه
دون كحله تزهي عيونه=وشهلا عينه ورويانه
والهدايب سمر مزفونه=مثل جيش وسط ميدانه
كالبدر خدينه ولونه=ورد زاهي وسط بستانه
في هواه النفس ممحونه=كاعب رب الملا زانه
والقلب لفوا دركسونه=غيروه وضاع ميزانه
قد نووا عني يشلونه=غير ربي رده مكانه
ولا رجع مهما تصدونه=يا ملا مترى القلب مانه
آه يا من سهرت عيونه=لي ابتلا بالود وأمحانه
حنتي حنات ممحونه=مرقده وتخب حنانه
وتهت في قفر بينونه=في زمان الصيف ظميانه
ع وليف طيب سونه=كالغريبي وسط ميحانه
دوم شرح البال تلقونه=لطف حق أهله وجيرانه
ما نقص عما تحيدونه=ولا يشط الزين شغلانه
تم جيلي وأطلب العونه=والملك لله سبحانه