هاض مابي والسبب دله=دلة بالبن عماله
جيت متشوق وطرب له=وبي حلى بالذوق فنجاله
تسلم إيديات من زله=يوم قند زاد في هاله
وأرضف الشامي وبها عله=لين طاب وشاخ في دلاله
حذر يتحذر من الخله=بتبسط ياخذ أعماله
غزر سد بالنبا كله=كلها للمدحه أعماله
يا هل الأعيان لمثله=يعلكم في خير وسهاله
كلكم غالين في شله=مثل ميزان وعداله
فاهمين السمت في حله=عارفينه زين بأكماله
الكبير يعرف له كله=والصغير مورد حباله
نازل بسيفه ورمح له=فارس من نسل خياله
له هدايب سمر ومظله=والمعنق عنق جفاله
عود موز في غتل ظله=والنسيم أن هب له ماله
يتلف العاشق جمال له=ينسلب ويغير أحواله
سله يسل البخص سله=آه يا ويلي من أعلاله
خايف لا تبعد الشله=والدموع تخر هماله
ويغدي من دون وصل له=البعد والهجر وأعذاله
طالبك يا خالق المله=يا كريم وكل يساله
عسى ما يبعد محل له=وأن ظعن في القلب نزاله