عزي لقلب لده الود=يمسي ينوح ودوم مجهود
عن الشراب وقوته مصد=وينوح يوم العالم رقود
ما يدري أن الود يجهد=ويدعي قوي الحيل مبيود
كلما عذلته عاند وصد=تابع هوى بو خصر مقلود
كم قلت له رد وعصى يرد=وش حيلتي في قلب عنود
متعلل والحال ملتد=لد الفحل من عقب لهدود
ولي غضت الدلهين يقهد=ويهيضه ذعذع النود
وتفيض عبراته على الخد=فيض الجوابي وقت لورود
ويطير من العينين الأثمد=وأدعى المدامع م البكي سود
يبكي على المحبوب لمود=بكي اليتامى عند لجدود
قلبي بحب صخيف الخد=هايم هيام ماله بلود
شروى مطر طايح وجود=والقاع من قبل المطر جود
أهواه وان سألوني أجحد=عن عين عذالي ولحسود
وربحان ياللي يكتم السد=تلقى غزير السد في سعود
وليت الأهبه تنثل الرد=وتجيب من الأحباب مردود
أن كان باطرش وبفند=سلام للمحبوب مفنود