يسقى يلي نويت راجع للاوطان=وين الظبي تقفي وتقبل ورودي
وانظر بعيني من المها ورد غزلان=حمر الخدود اموردات الجعودي
ويكون قلبي من التكادير فرحان=للي هواهم فى حشاي امعقودي
مالوم يا قلب غدى اليوم ولهان=اطلب عسى ربي علينا يجودي
يا عين هلي الدمع من موق مليان=دمع على الوجنات ينزل حشودي
ابكي عليكم يالاجاويد مشتان=واحب انا في حيكم لي وجودي
لي من بغيت القلب يدله بنسيان=من صوبكم هبت ذعاذيع نودي
تذكر اللي داله دون خلان=وتشوق اللي عاف نوم الرقودي
كريم يا برق سرى الليل زفان=مالي سحابه خالي "م" الرعودي
يعله عليهم ينثر الجود غدران=لين الوطى تدفق عليه النفوذي
امقيظهم لي يا الشتا فيه سكان=مرعى حلايب بومياديل سودي
وعقب المحل يحيا وطنهم بحيّان=م الوسمي اللي به نبت كل عودي