مسير في ضحايه=وإيلا الظبي يا أحمد
على طلبة هوايه=لي ملتقاه يسد
من الريم ماخذ شايه=عين وصفاه وخد
بو قصة محشايه=والطيب فيها مرد
والخد فيه سنايه=براق مبتعد
عسى عليه حمايه=عن نقال الحسد
لو أنا على منوايه=ودي جداه أشد
ويكون جار حذايه=على قطين العد
ردنيه في هوايه=لو ما بغيت أقصد
حسنه وفيها سايه=وصولهم يا أحمد
ما نلت إلا شقايه=والزين مني صد
طيب في ملتقايه=لي ملتقاه يسد
حط الفواد وقايه=واجعلنيه ملتد
كان تعرف معنايه=عن لا تخبر حد
ولا تخبر السعايه=لي يفسرون السد