وليت يا وقت رمانا بالافراق=فرق قلوب مبطيات ولايف
يا وقت فعلك منه الجوف ما طاق=يا وقت فعلك منه القلب عايف
حسبت ظني فيك يا وقت صداق=واثره مسيرك م الظنون ابخلايف
يا عبرة في الجوف من حرها ضاق=صدري وسوت لي سعير ولهايف
اسباب من ذكره له القلب يشتاق=عليه دمع العين ينحني رضايف
بومنحر يا ضي كما الصبح شعاق=يغشاه ليل ينقلنه ردايف
وثمان بيض كنهن لمع براق=امقرن الحيات سود عطايف
والعين عين اللي على الكف خفاق=لي شاف جول م الحبارى بتقايف
والعنق عنق غزيل شاف تفاق=ما وكده وازم مذير وخايف
قلبي تولع به على طيب لخلاق=زين الجناب وكامل بالوصايف
هو طبيب لي يلي كنت معتاق=ودواي من صافي الثمان الرهايف
ألذ لي بالكيف عن كاس عراق=وبه تشفي الامراض ولو هى كلايف
وريح انسمه عن رايح الطيب قد فاق=وعن ريح مشموم اغصونه قظايف
وعن ريح ورد قد زهر بين لوراق=يحيى به اللي منه القلب صايف
حبه هداوه ما مشى به بلطفاق=متركد ما زعزعوه الخفايف
ولي من مزح يمزح لزينين الاخلاق=ولي من هرج ما يعطي الهرج زايف
حبه غدى للجسم والحال سراق=وغلاه عما ضمه اليوف طايف
يا بوخدود مثل ما صفح لوراق=ونهود يحميها رهيف الصنايف
وصلك غدى ممنوع يا مدمج الساق=ودونك نزت لي عاليات النوايف
صلاة ربي عد ماناض براق=على النبي ما طاف بالبيت طايف