قفوا بي من الدار يا فلان=وأنا دريك الفرش شهرين
يوم ارحلوا بي فوق الأظعان=في ظهور هجن في فضا زين
فارقت لغبيبة والأوطان=يسقي عليها البحر عافين
دسنا سيوح وذبك نقيان=كل مورد نلفيه يومين
وابقيت في المرموم حصلان=دريك واتحسف له البين
بدعي عسى المرموم شيطان=يمحل ترابه يستوي شين
جينا المرقب والوزا هان=شفت السهالة والهناتين
قمت ادعي له بسحب وأمزان=وسمي المطر يسقيه في حين
من بارق ومرعد ودنان=ويشب عشب له تلاوين
وان روحوا بالكرب شبان=يحدون بظعوني شليين
عيال غانم هم الأحسان=ومحمد بن معضد ونعمين
يا حي ما حصلت جيران=كني محصل ملك مالين
وعلى الحمام امسيت فرحان=مسرور قلبي ما اعرفه وين
جاني هوا مبرد وذنان=وشرتا الجنوب اشفى المريضين
ما بين موز وغرسة عمان=تلفح أرياحه من المهاتين
في ضل لوميه وبستان=شربة وابري مرض حولين
وجتنا صياني رطب بومعان=وانا احمد له في نعمتين
نعمة حياة وصحة أبدان=وسالي هموم القلب مرتين