يا ليال السعد وأيام السرور=سعد حظي يوم وافيت العشير
في مقامات بها غتل الغدور=قلت يا سيد المها منك ضرير
نور عيني وأنت عن وصلي نفور=عن ودادك ما يعديني نذير
يا عذيب الروح ما أنته بمعذور=مغرم يهواك يا مير الضمير
شف قتيلك مدخل الله لا يثور=إدن لي ياشوق ما أنته بالغرير
قم خليلي خير عاقبة الأمور=لا تخف لا زوال دع عنك المذير
لا ينوبك من تهاويش الصدور=سيدي برضيك والوالي خبير
قل عرفي خلني قلبي غرور=دون وصلك لا تخليني كسير
في مناجاتك أنادي بالثبور=ما تجيب أنباي وش بك ما تشير
يا مليح اللون بدري الزهور=مثل حسنك يالفرنجي ما يصير
ألطف بحال تعلل منك زور=اعتلاني ذل من عنوك حقير
الوفود شهود يا تلف النحور=أنت مني مستحي لو مستجير
قال طيب وهون ما كنك صبور=قام يقصر ثم يغضي بالنظير
وارتشفت ثغور كاسات تدور=بالحلى والحسن وأرناق الحرير
في نعيم وياه مهضوم الخصور=بيننا اللذات والوجه المنير
لذة الدنيا سرور لن تبور=مع نديم غر والباري ستير
احتذرنا عن معاينة الغيور=ثم تنهى قال قم دعنا نسير
قبل تدهانا أماريد النظور=خلني وحذراك عن كشف السرير
قلت لا والله هذا ما يصور=عن عواقب شين يا لمبلي حذير
كان ينبي الميت عن نيل القبور=يستبين أشكاي مع كل البرير
كيف حالي ضاق بالي لا تشور=ورث نيران في قلبي سعير
كن يوم البعث هذا والنشور=المفارق حل مدري كيف أصير
قال بعد أيام كود أني أزور=الوداع يلين ياتيك البشير
رحت مهموم أقاسي ومغدور =من حزن يعقوب أرداني البصير
كم أعد أيام تاريخ الشهور =عن حبيب الود ما جاني بشير
يا ركب مني تعنوا فوق كور=أحوالة ما وطاهن البعير
اركبوهن واقطعوا فج الوعور=يا هل المعروف حثوا بالمسير
معكم الأعلام تلقون الخبور=عن وليف في الملا غمق صغير
عيطلي الجيد مزوي الشعور=أهيفي الكشح والخصر الزرير
أحور في جسمه الجاني فتور=خده الوردي لظى برق يحير
والحواجب في جبين له سطور=شارع يتلاه حذاق شهير
وذا الذي راح ودعى القلب محشور=في وداده قايم ما يستخير
ياليالي السعد وأيام السرور=سعد حظي يوم وافيت العشير