قصيدة ( سرور الهنا يا من بتيه الخوندات )
الشاعر : محمد بن راشد المطروشي

سرور الهنا يا من بتيه الخوندات=متبرجات بحسنهن والتصابي
ليالي سعود أيام هند مطيعات=مير ومن له هكذا ليس ما بي
لي الله يا من له نعيم ولذات=وأنا مراقب خلتي وين رابي
مغرم بروحي والجوى بي وليعات=قلبي وويج الشوق هذا مثابي
لا أهنى ولا أسلى عن وداده ولا بات=نار الغضا في مهجتي واضطرابي
من شادن يزهو بكل المهيات=صدور عن اللاما نفور يهابي
عن الخافرات البيض زينه وشامات=سيد الكواعب والترف والشبابي
دجى الليل جنحه والدلايل ثنيات=تجلى البدر في بهجته ثم غابي
اذا سل مزويه بدا الخد شامات=ورد بنقيع يمطلى يوم ذابي
فتور وبالاجفان دعج دعيات=تعرى سحر هاروت منهن عذابي
له اليوسفي مدقوق وأشنب شفيات=صافي الترايب غرته والكتابي
البان عوده زمت النهد وابهات=دله وجيد تلع والردف نابي
تنبي ردونه عن جنوبه نفاحات=طيب يحول الحول به في الثيابي
نشى وان مشى في الأرض مير مراحات=ممشى حمام الريضات الرعابي
ملك مهجتي والروح له لا محالات=عسى وعني مير يجزى الثوابي
لو حل بي منه شنيع ومدهاة=أحيا بوده في الحشر والحسابي
سعوا لي العذل وعدفوني ملاماة=ما اسمع وقلبي ذاهل ما ينابي
لوامتي دونه بعيد المسافات=هني وعنكم كستر والحجابي
عزي لمن مثلي يقاسي مهمات=ومن ذاق خمر الحب ذاق العتابي
صبور على ما فات صروف الأوقات=كتوم عن العلام جاحد مصابي
من بعد ذا دنوا يا هل الهجن عيرات=بزل عناديل خيار الركابي
ردوا لهن الاكوار للبعد باثبات=مير ترى يدني النيا بالصلابي
عشرين ضمر صفر هن صيعريات=مشرغات ما حداهن أعرابي
مد الغوارب يوطن البيد عيلات=تختالهن شروات لال السرابي
يا ركب عوجوا بعمل الشادنيات=كاس أسامر به لذيذ الشرابي
ريضوا ترى لي وفد كصدي وكيفات=مقدار ما خط البريد وجوابي
نظم معنا للمعازيب سادات=منضد بجاد بهت الموابي
وخلاف حلوهن عدايا وحيات=بوطن قفات البيد وقص الشعابي
مدرهمات من البرا بين حذيات=لهن كالدولاب ينقع اللابي
خلوا جداكم مغرب شمس مجداة=يا ركب لا جيتوا بلاد الأنجابي
دار بها الشيخان واهل الكرامات=وخصوا مراقيب قصور ومرابي
وأنصوا مزار الهجن بيت العتيبات=وادنوا لرجل في الملأله مهابي
فريد عصره بالكرم والحميات=لي طال عسر الوقت للخلق ثابي
أبو محمد كثروا له سلامات=مني بنفح الطيب يهدي الرحابي
أعداد ما حجوا وساروا عرافات=واعداد دولاب ولي بالغرابي
من قلب ما جوع ذكر مير ما فات=هجران بعد وصولكم واعترابي
يا ولد من هو لي ذخر كل مضفاة =خلف يا زكي الآل عالي الجنابي
عليه مني بالوفا والتحيات=ثم الأولاد وآلهم والأصحابي
ومن له قدر عندك عزيز ومدراة =وشرف ولاة الأمر بزر وصابي
على السلام اللي لهم والمودات=يا الله عساكم في هنو الأطيابي
أنتوا هل الحسنا عليه كثيرات=وانتوا ذرى المعسر ندى الأكتسابي
تمت وصلى الله على خير البريات=محمد وآله حبيب الأنجابي


قصيدة ( أهلا وسهلا مالي الركب بأبيات )
الشاعر : أحمد بن خلف العتيبة

أهلا وسهلا مالي الركب بأبيات=مضمونها حاوي بديع الجوابي
ابداع جيل كنها الدر يكات=منظومة بعقود حلو الخطابي
يوم ان على المطلوب جتنا مهدات=وافت قبول بالرضى والمثابي
يا مرحبا بقدوم سيد الخوندات=متبرج بالزين ترف الشبابي
بو وجنة فيها من البدر شارات=ليلة تمامه وافي بالحسابي
غطي عليها فاحم الليل سافات=ليل على صبح به النور غابي
وعيون دعج بالبها بابليات=كم بات منهن ساهر في عذابي
ترميك بسهوم من أقواس حجات=وتغضى بجفن فاتر الطرف سابي
واذا بسم عن در شنب الثنيات=في كوثر ممزوجة بالشرابي
يبري العليل ويطفي النار ليعات=ويحيى هوى مات حبه وشابي
عذب اللمى حلو النبا والفكاهات=شهي المزاحة والصبا والتصابي
وكشح هضيم للحسن فيه مارات=ضامي وشاحه هاضم غير نابي
تشكي حضوره من ردوفه كلافات=ثقال كلها ضعاف الأتعابي
ويشجيك من صوت الخلاخيل رنات=ومشربات في قدمهن غصابي
حسين قده كامل الحسن والذات=لا هو طويل ولا قصير يعابي
ريان عوده رابي في شراغات=ريف عفيف ما يدوس العتابي
شبهت نهدين الحشا منه عدلات=تفاح نفاح العنابير طابي
ومن وردة الخدين ما بات من فات=عن لثمهن إلا عطيب الصوابي
تهديك أنفاسه من الطيب نفحات=ريح الشمطري والشهد به مذابي
ويسقيك من خمر الأحاديث كاسات=يسكر عليها كل عقل مصابي
ولو سمع هرجه راهب الدير ساعات=أمسى خليع ما يدور المتابي
وافي المعاني والعلوم السنيات=ومسلسل الأنساب في الانتسابي
لله أيام قضت لي وليلات=أيام وصلي به ولا حد درابي
عسى تعود أيام ذيك المسرات=عصور مضت لي في زمان التصابي
اقضي لبانات الهوى كل لأوقات=ومنعم بأوصال زين الأدابي
ما نختشي هرجة حسود وشمات=نحضى بسرور بالهنا ما نهابي
حتى سعوا ما بيننا بالمواشاة=الله عساها في بخت من سعابي
قفى وخلاني طريح وعبرات=عيني يذارفها مخيل السحابي
ومن عادة الخفرات سمع المقالات=من كل مكشوح عديم الصوابي
أنا اشهد أنه من وثق بالمودات=منهن كما يآثق بلال السرابي
يا طال ما قاسيت منهن إذيات=ذلال شوق أو ملاما عتابي
ما بين هذا وذاك حتى مضى وفات=وقت علينا بالهنا مستطابي
يا هل ترى في ذيك الاوناس ردات=يشفى بها قلب من الحب ذابي
وخلاف دنوا ضمر عندليات=من بذر ضبيان وحايا صلابي
كلايف تشفيك عند المهمات=في رد عيلات العدا والأطلابي
بعاد المطالب يقطعن كل فجات=وأوعار قفرا نايفات الروابي
خيار تلايد في حمانا مربات=ما حاطهن سوام عند الأجلابي
حول مشاويح خفاف وجملات=واسرع من طيور القطا بالأهضابي
يا أهل النضا ردوا لي الراس باثبات=حتى يفيق القلب مما عتى بي
واشرب من البن اليماني بكاسات=مشروب أحلى من حليب العرابي
يكتب سطور كالعقود المنقاة =حازت معانيها جميل الرحابي
لمحمد المطروشي بأندب تحيات=وتخص من له صحبة أو أقرابي
وخلاف خلوهن على الدرب سرعات=ينصن إلى ديرة عزيز الجنابي
ديرة أبو راشد جزيل المروات=عيد الركايب في سنين الأجدابي
وخصوه من عندي كثير السلامات=وهنوه من عقب النوى بالإيابي
نهنيك يا شيخ الظفر والكرامات=عن حجك المبرور تجزى الثوابي
ويغفر لك الرحمن من كل مآسات=ويجزيك جنات وحور عرابي
بقدومك الميمون زود المسرات=واستبشر بك حضرها والأعرابي
وابقى معافى من جميع البليات=عليك من حفظ المهيمن حجابي
ومن لك عزيز من أخوان وقرابات=أهل الثنا والمدح وكل الأصحابي
هذا وصلى الله بكل الصلاوات=على النبي والآل ختم الكتابي