قصيدة ( عزى لجفن كلما لد بإغفاه )
الشاعر : السيد عبدالله بن السيد أحمد الهاشمي

عزى لجفن كلما لد بإغفاه=ذار الكرى عنه خيال يباريه
ما يهتني بالنوم من كثرة ابكاه=متنثر في صحصح الخد ذاريه
والقلب في قيد من الهم وازاه=من حول عام ما توني شكاويه
ليته يضيع بحي الاحباب وألقاه=وإلا عطيب من عدو وأداويه
لكن عوق القلب ممن تبلاه=ذاك الذي عله وإذا راد يشفيه
طفل ملكني ملكة السيد مولاه=وشروات عبد له يبيعه ويشريه
حل بكنين القلب وإستملك أقصاه=والجسم في شفه يميته ويحييه
ليته يباع بغالي السوم وأشراه=أو ينفدي بروحي العزيزة وأنا أفديه
ويا ليت طيفه تالي الليل عناه=أو سال نجم الصبح عمن يراعيه
من بات هاجوسه سميره ونجواه=فكر يديره في ضميره ويخفيه
والله لولا خوفة السد يولاه=مني عدو خايبات دعاويه
وتقول عنه الناس ما ليس يهواه=مثلي لكان ادعيه باسمه واسميه
بو مبسم كن البرد في ثناياه=والخمر والترياق لي حايم فيه
ياللي جديله كنه الليل غطاه=عن سيره الواني يعوقه ويثنيه
عين الوحش يا وحشة القلب بغضاه=وعنق الدماني بالملاحة يحاذيه
وحق الذي من طينة الحسن سواه=فريد حسنه كاملات معانيه
أنه على بالي ولو شط مرماه=لاني بسالنه ولاني بناسيه
كم ليلة نقضي بها الأنس وياه=يسقيني بكاس المحبه وأسقيه
حتى دنا اليوم التفرق وفاجاه=وامسيت أتمنى خياله أوافيه
بالله ياللي أنحل الحال وأدعاه =من طول ما قاساه كالقوس حانيه
ويا من بحبه عذب القلب واشقاه=حسيبك الله من حبيب موازيه
أن كان قصدك في إتلافه وبلواه=ترى الذي ناله من الصد يكفيه
فآرفق على صب عليل بشكواه=وارحم طريح يرحم الله واليه
من بعد ذا يا طارش طاب ملفاه=لمحمد المطروش نظم بعنيه
فيه السلام ومن بعد ذا مشاكاه=نجوى صديق إلى صديق يشاكيه
لا جيت ذاك الشهم وحضيت برباه=بلغ سلامي عد ما كنت واطيه
واعداد ما فاه الشجي بالذي فاه=من زود هاجوس على الجوف صاليه
لك بشتكي يا طلبة القلب ومناه=فراق الحبيب اللي شجتني طواريه
ومن ضيق بالي آهيض الشعر وأملاه=في وصفه العالي تذكر معانيه
أبيات شعر ما لها من مجازاه=إلا جواب يشفي القلب جاريه
مني على من خصه الله وناجاه=أزكى صلاة مع السلام يواليه


قصيدة ( حي الكتاب اللي لفى قم حياه )
رد الشاعر : محمد بن راشد المطروشي

حي الكتاب اللي لفى قم حياه=أزكى تحية ومرحبا حي لافيه
أعداد نسناس الهوى هب م الياه=برق يسوق الودق والسحب جاريه
وأعداد ما يلعي الضنا صوب مضناه=متليع ماله خليل يسليه
واعداد ما شدوا على الهجن بحداه=وحتى مكاثيب الرمل عد واطيه
جاب النديب الطرس بادرت بقراه=يطرب له السامع ويشتاق قاريه
نظم عريب من صفى الجيل ينقاه=من صاحب فاهم نشيده يوابيه
متيم في مطلب العز وألهاه=بعد الغواني في مغاني مباديه
ذكر الأخله طايل الشوق ويلاه=جاله من الفرقا عسى الله ياويه
يا ولد هاشم بك من الغيد مدهاه=هذا لمثلك بالتمثل أواديه
شف يا نديمي ضيق الجاش سلاه=وسنيه طيب بالفكر لذ غافيه
عزي لمن وزا الحب قاساه=جيل التغزل في معاني عوانيه
يا بو نجم صبر الكلام المكافاه=كم صابر نال المنا في مناويه
أنبيك عن متلوف ميه ولقضاه=ومحسن عنا به ماكر الخرد لاهيه
وقيس تحمل من هوى البيض وازراه=هم ومهام في مهامه بواديه
يا عونه الله يا المعنى بأخلاه=يلهو ولكن العنا ما يخليه
عنيت عنو عاد لي لذ معناه=واظهرت لي من باطن الجاش خافيه
وأنا غريم التيه قلبي تبلاه=ذاهب وخلا مريح روحه تداريه
بو مبسم نور البدر في محياه=البرق ياضي الودجى به يضفيه
هب النسيم بطيب ريحة زواياه=صافي الترايب ساحر الطرف راميه
باهي الجبين متلع الجيد يتلاه=حسن وجمال ومضمر تل تاليه
لي قلت له : يا زين لي فيك متلاه=وصل بلا وعد لظى الجاش يطفيه
قال : المخافه من عذولي ولوشاه=يفرح به القايل بعنو ويفشيه
له قلت : قلبي داهش الود يخشاه=عن مستذير الفخ لا ما يكفيه
والله بأيمان وثيقه وبالله=ما عن وداده حد دونه يسليه
من بعد ذا قم يا نديبي بالوصاه=للسيد برسم المدايح نجازيه
من آل منسوب تسلسل ومنخاه=بالهاشمي الأبطحي جد أهاليه
بلغ سلامي له عدد نيل دنياه=أو عد وحش يرتعي في مفاليه
قل له ترى المشتاق ما عاد يهناه=إلا وتذكارك على القلب طاريه
إعذر وسامح يا نخى الجود والجاه=مترى اشتغال القلب مني ملهيه
مني على المبعوث ما قال الإله=صلاة مرجو عدد ما يصليه