أمس الضحى في مستسر ومسرور=مستبشر بأهل الحميات الأبرار
وقدوم فتح الخير بالخبر منصور=" لنج " معبر من ديار إلى دار
تخلى ليه من مغرب الشمس ماشور=أختال سيره في النيا مثل ما نار
وحش من القنيص شارد ومذعور=أو مثل حر طالع صيده وطار
شروات دولاب الهوى هب مأمور=تسمع نحيفه في وحيفه وشمار
يمشي على المسجور من قوته زور=ترجف رجيف الرعد " بروانته " نار
متمثل شروى الشبل مذعر الطور=حتى " الدريول " م الدجر يضرب أفكار
في غبة يدوي به الفلك " بابور"=صالح مكيف بين ديرة ودوار
قابض سناده في المجاري بديجور=دليل ما يخفى عليه الذي صار
له في الجزاوي مستطيع ومأمور=ليمن تولى الأمر من صاحب الكار
ساعة ولمحة عين وأرسى على الخور=وركبت في خنه مسج ومحتار
يا طال مالي دار راسي وأنا دور=متبصر وانظر يمين مع يسار
يا ما حلى طوره له الصدر مشمور=والتفر مطوي إلى البرد بستار
ويا فنة فيها من الزل مدثور=في وسط خنه ريت صانع ونجار
يبنون بيت من أبنوس وبنور=حق الأوايل والخزانة ولقشار
كني بتخت الملك في راس مقصور=في " بنقله " والآ من الهند " بازار "
أو في " حفيز " فيه ذاخر ومذخور=فيه المعالم والمكارم والأحرار
ومخيم عن لفحة الريح بخدور=نوره آضا من مشمع النور بأنوار
فيه الذي عن مجلسه هوب معذور=له برزة فيها أعراب وحضار
هو ملتجى الخايف عن الشين له سور=أحمد حميد شاع علمه بتذكار
أبو محمد له سخى الجود منشور=حاوي الجمايل والفضايل والأفخار
والوالد الماجد خلف مذكور=بالحلم والتأييد في كل الأقطار
له في المعالي بالعوالي ومشهور=بيت الندى راعي الحميات لكبار