ونيت ونه في ضميري خفيه=ونومي على طول الدجى ما هناني
أسهر الي من ناموا الأدلهّيه=لي ما وزاهم مثل شي وزاني
ابرحت عقب اما عظامي قويّه=رذيل حيل ومشيتي بالتواني
من والي االاقدار جتني رميّه=من حب معسول الشفايا رماني
امريّش العينين صافي الثنيه=امتلف العاشق بسهم العياني
اللي دعا روحي بحبه شقيه=أبكي ودمعي من عيوني غشاني
يا حسرتي واصفق خليه يديه=ويلاه يا قلبٍ هبيل وعصاني
ليت الليالي ما تغثث عليه=بالوصل يسعدني بخلي زماني
نفسي من الهجران صارت غنيه=واستارقت من شوف جالي الثماني
يالله يا عالم بكل الخفيه=يا خالق الارواح يا عز شاني
انك ترد ايامي الاوليّه=ابجاه طه والحرم والقراني
مع صاحبٍ فيه جروحه طريّه=خذ "م" الحشا قلبي وحبه براني
مضت لي الايام عنده هنيّه=عيني تراه وهو بعينه يراني
يغضي بعينه بالتعمّاد ليّه=واختال زوله بين ذيك المباني
كلفتني يابو عيونٍ دعيّه=يا من بودّه باعني واشتراني
سلام من قلبي وروحي سخيّه=اعداد ماذ عذع هبوب اليماني