رحلتي طالت وسفراتي تطول=والله العالم متى حط الرحال
اسأل الاصحاب من حولي ابذهول=اولا أحد عنده جواب للسؤال
موعد المنكاف كل به جهول=او يوم عودتنا بعيد ما يزال
نزرع الطرقات ابعرض وطول=وانتلها با الرياضة او الاتصال
صارت الساعات اشهور او فصول=ما اتحرك راسيه مثل الجبال
بالأمل عايش على يوم الوصول=يا حبيبي او منك افوز ابوصال
خافقي المشتاق قلقان او وجول=ما بعد يقدر ايزيد الاحتمال
في السفر ضيعت من عمري امحصول=واكتفيت ابزول طيفك في الخيال
يا الغلا ما شيء عن شوفك يحول=حبنا قادر على قهر المحال
إبغيبتي ارجوك لا اتخلي العذول=يفتح ابدعواه ابواب الضلال
كل اسباب النوى باكر تزول=الله ايبدل او من حال لحال