عيونك واعذابي من عيونك=حبيب الروح يا عذب الشفايا
شعاع الشمس في حسنك ولونك=ودادك قادني قود المطايا
أرى الحساد والعذال دونك=ولا لي غير صبري في الحنايا
حبيبي في الهوى خذني بهونك=ترفق بي ولا تشمت عدايا
عسى ربي عن الحاسد يصونك=تعيش اسنين عمرك في هنايا
سجد قلبي للاماك او فنونك=فريد اللون يا تاج الصبايا
هويت اللي غناتي من شؤونك=او كم ما بيننا جمعت هوايا
اداري لك وتشجيني شجونك=عليم الله بي رب البرايا
تناديني وجاوب لك بعونك=او لو في موقفي هذا شقايا
على الاقدام اتبعها ضعونك=تبعتك لو على رمض الفلايا