ما سلا بالي ولا نفسي سلت =يوم ودعت الضنا عند الرحيل
من رحل نفسي أنا اوياه ارحلت=تتبعه في رحلة العمر الطويل
ها الزيارة ليتها لي طولت =انكان حققنا يلي هو مستحيل
او باتنال النفس كل إما بغت=والمحب ايصير فايز بالخليل
يا كبر حظي ابقربه والبخت=او حالتي ابعده غدت حالة عليل
من بهاته لي طلع شمس اشرقت=او نور وجهه في الدجى امسوي شعيل
ماخذ الميضاح من ريم ايفلت=في الفلا لعصير من عقب المجيل
الحسن لي فيه يوصف بالنعت=نادر والزين ماله من مثيل
له محبه في وسط قلبي سطت=او ما العنا والشوق خلاني عطيل
هو نصخ روحي او روحي له صخت=بالذي يبغيه لو هو لي بخيل
هان ما بي لو تكرم والتفت =او بي لي بالطرف لي ناعس كحيل
او تنجلي لهموم يلي اتراكمت=في الحشا وارتاح بالخل الجميل