قصيدة ( ويل قلب تاه واتشقا )
الشاعر : الدكتور مانع سعيد العتيبة

ويل قلب تاه واتشقا= ما اتحمل يا الغضي الشوقي
من صوابه ذاب واندقا=او كل ماله زاد به العوقي
يشتكي ما الويج والفرقا=او من عناه النوم ما ايذوقي
بات دمع العين منهرقا=ما بخل بادموعه الموقي
طول ليلي ابحسره اتسقا=خذتني يا راقي الذوقي
كم انا باسبابك أتلقا=تالف والحال محروقي
من افراقك ماشي إتبقا=غير يهمه او قلب اخفوقي
لين قمت اوايب الورقا=في العلاوي اوصوبك آتوقي
اتخالفت ما بيننا الطرقا=او صرت منك زور مفروقي
غصت في لبحار باتنقا=في غبيب مويها ايعوقي
اوهمت في لجبال واترقا=في جميم علوها إيشوقي
ليت يا المحبوب لو إترقا=مرة واتسير بارفوقي
او توفي المغرومك الحقا=لو لا اتغدي باخصني إحقوقي
لاح لي من خدك البرقا=او رمش عينك رمح مزروقي
والثنايا لولو إمنقا=ما عرض في حفلة السوقي
أطلب المعبود لي تبقى=لي صفاتك فوق لي فوقي


قصيدة (حيّ جيلٍ يا من مشقّا )
رد الشاعر : الشيخ زايد بن سلطان آل نهيان

حيّ جيلٍ يا من مشقّا=صعب مطلب خاطره فوقي
في خياله راد يتنقّا=لو اوصوله ايعوق لي ايعوقي
حاول ابحيلك ولو ترقا=في وعر صعبٍ بلا اطروقي
والصّبر مرٍّ شرى العلقا=ما ايواز: طيّح النّوقي
لي فحمت ارجع ولا ترقا=قرّ في أرضٍ بها اتفوقي
بالتّأنّي خير باتلقا=طيع رايي أو خفّض الشّوقي
عقب مانته اتوايب الورقا=في العلاوي أو طلعك ابتوقي
يعل وقتك زين في الشّرقا=مع اريوم اطوال لعنوقي
لي يحاتّنك من الفرقا=ولك يسيرن دوم برفوقي
ويحتويك الزّين: لك يبقى=ويشتفي حالك من العوقي