قصيدة ( لا ناشد او منشودي )
الشاعر : الدكتور مانع سعيد العتيبة

لا ناشد او منشودي=عنا ولا حد سال
خلى الألم في زودي=واتضاعفت لعلال
عقرب او كثر اصدودي=سون بي الأهوال
او فرقى لبيب العودي=عقد لي الأمسال
مب من سنع لجدودي=ايبد الخوي لهمال
ازيارة الميهودي=من فاضل الأخصال
يا ذا الشيخ الودودي=لي له شكيت الحال
عسن وقته اسعودي=واسنين عمره اطوال
يسقي ادياره اليودي=من وابل هطال
او يرعى اعشوبه الذودي=او تنيع له الحوال


قصيدة ( نشدت عنك ابزودي )
رد الشاعر : الشيخ زايد بن سلطان آل نهيان

نشدت عنك ابزودي=وآسال كيف الحال
قالوا مهب ميهودي=إلاّ شغيل البال
ايفكّر متى بيرودي=وبينال منه امنال
غرٍّ حشيم العودي=لي مستوي لك فال
شروى الرّيم العنودي=لي ذاير أو يفّال
له عن قريب اتعودي=أو بتوصله في الحال
وبيطيب حال العودي=وزيرنا أو بينال
الزّين لي مفنودي=حلو أو حسين اجبال
مانع عساك اتسودي=وتطيب لك لاحوال