قرب المنكاف والسيره=للوطن يا ابرنس بنشومي
شل للقفال بنديره=قم عجل واخطف ابدومي
كل منا غاص في هيره=حد فاز او حد محرومي
النشيط ايفوز عن غيره=لي سرح بيهد كل يومي
بالهدد يتقدر امصيره=او لي ضوا بيجيب لعلومي
او خاب لي ما صيده طيره=بين ربعه ايبده اللومي
ايمر وقته كله إبحيره=مفلس ويتم مهمومي
القنص ما يستوي إبضيره=غير يبغي قوة اعزومي
الرجال الي اتخبر خيره=والمرايل تبغي إقرومي
شيخنا زايد زكي السيره=قاد شعبه للعلى دومي
الوطن عمه ابتعميره=او حقق إلنا كل لحلومي