يا شيخ مقناص الجزاير مليل=ما فيه صيد للحرار المويباتي
ما صادفتنا جملة الصيد الضويل=يا غير بعض الربد يلي امذيراتي
اسبوع به لمطار تم إلها هطيل=او سود المخايل في السما متراضفاتي
واسبوع فيها الريح للغبره اتهيل=من كل صوب اتعي بالعاصفاتي
لكن وجودك بيننا الشيخ الجليل=خلى شراقات لنا متكاملاتي
يا ريس الدوله عسى عمرك طويل=او نقنص او ياكم في سنين مقبلاتي
لونك سمحت الشرق بنشد الرحيل=إلبوظبي وين اليوازي راتعاتي
إهناك في أرض الوطن يحلوا المجيل=وين الورود امنوعات او فايعاتي
او في العين أشجار لها في او ظليل=وانخيلها ابلثمار يادت يانعاتي
تشرب من الأفلاج ونهار تسيل=والراعبي غنت عليها سايعاتي
والظفرة دار مالها عندي مثيل=ليوا او محاضرها عليها شاهداتي
عسا دارنا تشرب من اليود الهميل=او على افيويها امزون الوسم ساكباتي
لين العشب ينبت ابكل أرض امحيل=او له الحضر والبدو تازم نايعاتِ
يا شيخ نار الود بي سوت شعيل=او من حرها تميت ساهر ما أباتِ
لين الجسم هاف اوغدا عوده نحيل=واجروح قلبي ما الجوى نازفاتي
منهوب فكري او ضايع مني الدليل=واسهو يلوني امبكر ابفرض الصلاتي
زادت بي الاشواق للخل الجميل=او الايام عندي دون شوفه معتماتِ
في الخود ماله من قرين او لا مثيل=لو بوصفه فاق كل امواصفاتِ
ما الحور ما خذله الجمال إلي أصيل=والعنق والعينين من وحش الفلاتِ
يا الله اتجمعني ابمحبوبي عجيل=وافوز به من قبل ميحان النبات
يا شيخ يا عوني على حمل الثقيل=انته السند واتحل كل المشكلاتِ
ثيب إلوزيرك ما الهوى يشكي عليل=او عجل عليه ابفزعة وامساعداتِ