يا مفروق الثنايا=يا بوهداب امظله
عينك عين المهايا=لي ترتعي في اغتله
فيها اصحاح الدعايا=إبلا كحل مكحله
اتعلت بالسوايا=حواجب كالأهله
خدك برق السمايا=ينور ظلام الحله
لك من وحش الفلايا=جيد او نحر في حله
وانهود لك نفايا=واخصور مضمحله
حبك حل ابحشايا=والقلب مني شله
لدني لد الضمايا=لي ماها ما تدله
او خلاني في روايا=ما نام ليلي كله
لين اسهرت اقصرايا=من ونتي والوله
او دمعي يهمي همايا=يلين صدري بله
لو اتبين بالنوايا=وابما انته ناوين له
بيهون بي وزايا=امن الضيج وامن العله