قصيدة ( سمعت قول ما اظته يهلي )
الشاعر : الشيخ جابر الأحمد الصباح

سمعت قول ما اظنه يهلي=قول على ان فلان خاطب جميله
قلت الخبر يا صاحبي ما يحلي=مالي بقول فيه كذب او فشيله
لا تستمع للي كلامه تسلي=همه ايفرح كربه به عليله
خلي التمني عنك هو والتحلي=عزي إلذيب يسحبونه ابذيله
احذر اذا ينهوش بالك تزلي=ترى الجواتي في بلدنا ثجيله
العرس له فتيان يا مسند لي=فتيان ما يخشون قول او قيله
لي شافوا اللي يدخل خلي=ما يتركونه لين يرفع شليله
يتلوه في صبح او عصر او ليلي=الحين راعي الحب يشفي غليله
هاذي فعايلهم يشلون شلي=ماهم من اللي يرتوون الثميله
اصبر على بلواك ياللي تمللي=ما تاه مخلوق او ربه دليله


قصيدة ( في الجدا ما يضلي )
رد الشاعر : الدكتور مانع سعيد العتيبة

حي ابجواب فيه امثال تبادن لي=فيه المعاني لي اغزار او ثقيله
تمثل ابها شيخ كالمطر وين حلي=امير الكويت الي افعاله دليله
الشيخ جابر لي به الحكم متحلي=ابن الصباح الشهم عز القبيله
فاهم فهيم في الجدا ما يضلي=من تصعب الأمسال عنده الوسيله
ايميز الفتيان او لي ما يزلي=ذرب ايداري سمعته ما الفشيله
والمستهيب الي الطريقه ما يدلي=ايدله على لفعال يلي جميله
يا شيخ بعض الناس نبه يلو تذهلي=حدن يذاحظه او حدن بلغ نيله
مب كل طير للقنص هو يشلي =ايجي امناسب ظن من هو يشيله
يا كم يخدع ما المناظر يلي ايسلي=ويبان واقعها عند الفعيله
اينال الثنا يا شيخ لي ما يذلي=ما ايناله الرعديد راعي الهزيله
مني سلام لك امعطر ابفلي=وارجو العذر انكان في الجيل ميله