حي الذي قلبي يباه=نور الوطن لي له هويت
اليه زمان ارقب نباه=في كل لحظه به حريت
ابشوفه اخالي في الصحاه=واشوف طيفه لي غفيت
لي من قصدني بالعناه=له بالجدم حافي مشيت
امشي على الرمضا جداه=فوق الجمر لجله خطيت
ما بشتكي هجره او جفاه=لو كان في حبه اشتقيت
او لا بستمع فيه الوشاه=لي مول غيره ما بغيت
لو عاذلوني في هواه=كل العواذل ما صخيت
افرح بساعة ملتقاه=لو كنت في شطه سليت
عندي بلا احدود غلاه=خل فلا مثله لقيت
دومي انا امشي في رضاه=او با إلي بيرضا به رضيت
لي صد لي ذقت الحياه=وان صد عني صرت ميت
كل ما يبا مني فداه=عمري او حياتي له عطيت