حي باللي شعت أنواره=او مرحبا بالشمس لمنيره
شرفت به داري او داره=البدر لي نور الديره
في الهوى قلبي أنا اختاره=وعن جميع الخود لي خيره
عاجبني سير مسياره=كامل الأوصاف والسيره
من جبينه فاعت أزهاره=أو من بهاته ايزيد تنويره
للخلايج مافضى اسراره=فايق حسنه او تصويره
بالشفاقة أرقب أخباره=مشتجي والقلب في حيره
وان عنالي الخل بزياره=قمت ارحب به من امسيره
باعطي عاشوفه ابشاره=حين ما تيني تباشيره
ما بحاتي لجله اخساره=مستعد انقل مخاسيره
ما خذني أوخيذ جباره=والفكر ضاعت تدابيره
سابح في لجة اخطاره=تايه مجهول امصيره
حب خلي ما طفت ناره=في الحشا زادت سواعيره