البارحة في حزت السون=والليل بالديجور جنا
شفت القمر لي زاهي ابلون=امخضب اكفوفه ابحنا
اتلع دلع ويسير بالهون=ايحسب إخطواته ويتئنا
سلمت او فاضت فيه اشجون=غر امكمل بالحسنا
من عقب لحظة صمت واسكون=رد التحية لي او ثنا
وقف او رماني ابرمح مسنون=كنه عليه حرب شنا
او تميت له في الحب مسجون=والقلب مما فيه ونا
حاكم عليه اشرع قانون=امأبد حكمه سجنا
به آتوسل واطلب العون=ايروف بي مره او يحنا
وانا الذي له دوم ممنون=ما خاب لي في الخل ظنا
شوفه غناتي نور لعيون=يوم انظره به آتهنا
آتم كني مالك الكون=والقلب يبلغ ما تمنا