عقوني في طريجه=والا ابجانب حويه
أبغي يورة فريجه=والبيت لي يلفيه
فوق ادروبه البهيجه=بجلس له او برتييه
كود ايبين بريجه=او نوره قلبي ايغشيه
والا نسمة اريجه=اتهب به او تحييه
له مستوي تفريجه=والما لي يرويه
كتبوا محو من ريجه=ايداوي امرضي او يشفيه
يطفي ابقلبي حريجه=ويصح ما اللي فيه
او بتخوز عنه الضيجه=لي شاف لي ايسليه
محد عوقي ايطيجه=حتى الصخر يفنيه
ايزيد الهوى تهييجه=لي مر بي طاريه
او لي يشتكي من ويجه=من ينقذه او يحميه