مرحبا يا حي ياللافي=القمر لي شعت انواره
مرحبا به سيد لشرافي=لي عنانا اليوم بازياره
هل او نور كل لطرافي=وانجلى الديجور بانهاره
يوم شمس الكون تنشافي=ابضياها غابت اقماره
المحب المخلص الوافي=من زمان نرقب اخباره
له محبه ظاهر او خافي=في سويدا القلب جباره
له غلا أصفى من الصافي=بلقياس ايزيد معياره
او له قدر في شرع لعرافي=بلقلوب اتبين آثاره
يا نسيم هب زفزافي=غردت في عودي اوتاره
جيتني ما الشرق خطافي=وانتشت بك نفس محتاره
ذكرتني ابخلي الجافي=لي معذبني استهتاره
له اساير دوم باتقافي=صابر متحمل ناره
ذقت لجله هم واحسافي=واعصفت بي ريح واعصاره
أو ما شكيته او قلت له كافي=لو رماني ابلجة ابحاره