بشكي يلو للحب قاضي=من صاحب لجله اتغاضيت
خل ابحكمه دوم راضي=او بالي بيرضى به رضيت
أمره عليه أمر ماضي=ووياه على المبغي اتراضيت
يا غير حبه ما أعتاضي=غالي او به في العين غضيت
حبه ملأ قلبي او فاضي=او له بالذي في القلب افضيت
اتبين له فيه اعراضي=حب على جمره انا انضيت
الدمع مني سيل هاضي=عند الصلاه امنه اتوضيت
اتذكر أسمه بلفراضي=او عن زول طيفه ما انفضيت
ما اقبل عليه أي اعتراضي=لجله على لهوال عضيت
من حر حبه القلب ناضي=وانا على حر الهوى انضيت
بوخد شروا البرق ياضي=عمر امجبل او عمر امضيت
لي من لبس ثوب البياضي=نوره غمرني اوبه استاضيت
يوم اتذكر حب ماضي=به اسعد الأوقات قضيت
العمر قبله كان فاضي=والعمر عقبه به اعتاضيت