يا نسيم الشرق باسالك=عن وليف كامل دله
كيف حاله يا الهوى او حالك=خذ سلامي صوبه او شله
قله أني مغرم او هالك=من اسبابه النفس معتله
شكوتي يا خلي اهمالك=ابلا سبب مني ولا زله
الدوا ما صوف سلسالك=يا عشب نفسي الممحله
يعل دربي إلمنهلك سالك=وين ايطيب الورد والعله
يا القمر في ليلي الحالك=يا سراج البيت والحله
ارحم الي تاه في لالك=ما لجي ريجه من ايبله
يا بخت من بيغدي فالك=او فاز بك ما بين ها المله
فوق خدك ما حلا خالك=او ما حلا لهداب لمظله
في الوزن لي حط عدالك=الجمال ابتاخذه كله
او في البشر ما ريته امثالك=لي شراتك في الحسن قله