حي بالهاتف يلي ياب النبا=من جدا المحبوب لي غالي نجيب
قلت له أهلا او سهلا ومرحبا=بالخبر يلي لفاني ما الحبيب
من زمان صابر واترقبا=احسب الساعات والعي كالغريب
من سمعت الصوت لي لي ناهبا=قمت صاحي من عقب مانا عطيب
عذب في المنطوق حكيه امرتبا=يفضي الألفاظ باسلوب أديب
مرحباني خاطره وامهذبا=هو بشوش او في طباعه لي لبيب
الضنا لي في غرامه امعذبا=السبب في اعواق قلبي والطبيب
في غرامه كم لعيت امصوبا=حاير محتار مغروم صويب
سامح الله من بحبه لي سبا=خذ فؤادي والعقل مني سليب
ان بعدت القلب له تقربا=وين أسير ألقاه لي أقرب قريب
لو باحاول عن طريقه اتهربا=في خيالي زول طيفه ما يغيب
في البيان اعلنت حبه والغبا=واشهدوا لي الناس بالحب العجيب
طايع وامطيع له با الي يبا=هو نصخ روحي اوعمري والنصيب
في الحياه ارضاه عندي المطلبا=او في غرامه طول عمري له طليب