يا بعد عمري او روحه=يا ضيا شمس الملاحه
بان في حبك وضوحه=يا غناتي والرباحه
الهوى هاج ابجموحه=واعصفت قلبي رياحه
خذتني يا غر طوحه=او لا حصل لي منك راحه
يشتكي قلبي جروحه=وين لي ايضمد جراحه؟
ما بقي شيء أبوحه=كل شيء القلب باحه
الغريم ايبيح صوحه=او بين لحباب الصراحه
يكشف إلخله طموحه=بالموده والنصاحه
قلبي لك كم زاد نوحه=في الهوى او سلم سلاحه
ارتجي منك السموحه=انكان لي حق السماحه
امتحان الحب شوحه=الشهم يضمن نجاحه
لك بنيت أعلى صروحه=لو تشرف بإفتتاحه
محرك البحث
عدد قراء القصيدة : 
تاريخ الإضافة : 
