قلبي جدا خلي مشى=او خلي بعيد ماشي
ما أدري سمع وشي الوشا=او صدق كلام الواشي
غيم الجفا حل او غشا=او دمعي هميله غاشي
العاذل ابحالي انتشى=تابع سراب اللاشي
سهمه نشب وسط الحشا=صاب الهدف ما طاشي
جنه إلقتلي اتعطشا=خلى دمعي نطاشي
اتحنا ابعذابي او شرشا=قطع جميل اشراشي
ما هاب قتلي او ما خشا=او منه أنا مب خاشي
حبه غزاني او جيشا=في القلب لي جياشي
شوفه حبيبي يربشا=إليه غدا مرباشي
لي من نظرته اتبشبشا=وهوه معي بشباشي
او لي من تحدث وشوشا=للسر ما هو فاشي
يحيي فؤادي او ينعشا=شوفه دوا لانعاشي
لي يقبله باطرشا=وفد من الطراشي