ضاع الفكر برهانه=او نفسي غدت ممحونه
من بدله عنوانه=واتغير تيلفونه
قمت انشد عن مكانه=كل الذي ايعرفونه
حتى هله وعوانه=رفضوا لي يذكرونه
واجه قلبي امتحانه=او كثروا لي يفحصونه
هد مركبي ربانه=او بحارته مجنونه
او حطيت في زنزانه=ما ريت لي من عونه
داروا بي السجانه=او صكت عليه اسجونه
اهل الهوى ظميانه=للما لي يردونه
كل ما اقصدوا غدرانه=عجزوا او ردوا دونه
خلي عظيم شانه=العز فوق اعيونه
مشهور بين اقرانه=غيم نشا بإمزونه
بين اللآلي دانه=في المشترا مزبونه
زينه ايزين زمانه=لي نادر في لونه