البارحة وأنتوا رقود=خايلت برق يلتضي
أسقى على دار الاسود=من زود سحبه يا قوي
ارقد ولا لك من يهود=ودبي مرقدها دفي
كم لي عنا لها بالعمود=لي في ذراها يلتجي
أمن وحصل خير جود=والرب ياخذ ويعطي
عسى هماليل الرعود=تغب يومين وتجي
أسقى الممالح والندود=وعلى العمردي يا وحي
على الصداير يا سنود=ويشد بندر ع الطوي
عد مرقب للورود=لي مدعي الظآمي روي
طلبت ربي لمعبود=يسقى البطين اللي سوي
مرب غضات النهود=بيض صخايف يا علي
وابغيك بن ثاني ترود=على ظهر بكر هدي
بندب سلامين وزود=صوب الذي عرضه نقي
والا الدماني لمحيود=لاله تنين ولا وبي
عقصه على نهوده هدود=وعلى المضامر مرتهي
وانا على الشين محدود=والزين يسمح لأولي