اللي تبدى بالأمثال=شاعر ولا يبغي سعيف
البارحة وأنتوا ذهال=النوم ما جاني خفيف
طلبت من رب الجلال=طلبت والمولى صريف
خايلت برق بإشتعال=على " يدية " و " الغريف "
أسقى الشوامخ والجبال=من جريهن سوى زفيف
" الذيد " جنه لا تسال=ثلاث والرابع كنيف
والخامسة جت " م " الشمال=على مقرك يا وليف
" والفلج " جنه باعتجال=رويت أبكاس يا شريف
وتزارمن شبه الجمال=والعبد طالعهن بكيف
والياه حطنه اقبال=على المشاتي والمصيف
أدعن " بياته " كالنعال=واتدخلت فيهن بضيف
مقيل منسوع الاجدال=في الزين ما تحنا عديف
مايه مصفى من الزلال=والذ عن شرب العطيف
قيل " ع " وادي كالعتال=يدوق ويهبه الريف
على المشاتي والرمال=هذا الفعل ريته عنيف
و " ع " " الراعفة " غدر وسال=وطاح البحر ماي نظيف
وابطي يروي بالملال=الزين لي ماله وصيف
ضحكنيه من دون بال=وأمسى ليه عقلي خفيف
هو جازي وصله محال=الا من الباقي عفيف
يضحك ويبسم بالخيال=عن حاسد شكه ضعيف
نصحوه لا ينقل وبال=رد الوصايا يا خليف
تسقين يا " البطحا " ليال=من مرعد بايت قصيف
مقر زينات الاقبال=الهجن عيلات الصفيف
والعشب زاخر باجتمال=والسنة ما ظني يهيف
مبخوت لي عنده حلال=يصبح ويمسي في الكفيف
داروا عليهن يا الهبال=لي عاد جنك من نكيف
ياللي يديهن كالحبال=أن داوسن حجر وسيف
ومن عقبهن تازم سبال=ما تشوف كي حالي شظيف