ونيت وأنتوا هاجعين =مطيع لله في الأمر
بديت ذكر الله بدين =ماحي ذنوب في سطر
في البارحة ماذات عين=جني بثاني من الشهر
تفكروا يا مسلمين=في الوقت وأيام الدهر
أنتوا لها هوب دايمين=دنيا تراويكم كدر
تطلبوا والله عوين=والله يزيد لمن شكر
والله عوين الصابرين=هذي السنه ما جا مطر
قوموا اشهروا للساهيين=عن هم توحات الخطر
كم واحد ركب السمين=يحط نفسه في كبر
حاله وحال العابرين=في محمل سيره دمر
سافر وعقواله سنين=فت الخزامي والتفر
انفت وآزم ع لليمين=ينوش وأطرافه عذر
واللي مغط كف اليمين =يلقاه خير دون شر
يتم عند المنعمين=في ظلال جنات وشجر
واللي قصر كف اليمين=يشكي الندامة والخسر
ويتم عند العاثرين =مضواه نيران وحشر
ونيت ونات الحزين=طالبك يا رب البشر
بمرعد سوى دنين=قصف مزونه وانحدر
وعقبه زخر عشب لدين=ويتيه بأنواع الزهر
جذي رعنه ما يهين=يعين ويريد البطر
يصيف الغارب متين=ما جاوزن دون الحسر
ولي ما ضون عنده غبين=شروات مسجون الصخر
ركيبهن شبه الزبين =اللي تعلا في قصر
وعلى ديار الممحلين =تبطي هماليل المطر
يعم على العابدين=شروات ما عم القمر
اشتاق من غيض الجرين=الغر مجلي النحر
خده طبق للقاريين=ريم معانس في خدر
صف الجباير في اليدين =فايق بزينه واستمر
أسميه ع الصايد محين=لو ينزل الكوخه صقر
فوق النهود القاعدين=ينسف عكاريش سمر
حافظ على نصب الاذنين=هجن سماحيق صفر
أن روحن جرع القرين=هدن شرى طير الحبر
اللي دعوه الحاويين=علق سبوقه م الوكر
يقفى غزال القايدين=ريم معانس في خدر
صف الجباير في اليدين=فايق بزينه واستمر
تمت وثوروا طايعين=للرب ثورات تسر
الله يحب الطاهرين=حمدوه واثنوا بالشكر
تمت صلاة القايمين=على النبي خير البشر
لي هو نديم لي يبين=يصطاخ ويعيد النظر
هذا كلام المولهين=الذ وأحلى من الشكر