يا طارشي شد الاديب=تسري بلا لمس الجعب
وانصى خليفة يا نديب=وان قال متشوطر كذب
قل له نسافر في غبيب=في مركب سيره تعب
تسقين يا الورقا صليب=شاعرك وان حمق إجتلب
إتصوخي نظم يجيب=أن كان دستي له سبب
طبيب وادواي طبيب=واشفيه من كل التعب
كود أن جرحه فيه غيب=عندي مهابيش اللهب
يلين يثني لي بطيب=ويصور صافي " م " العتب
ونيت ونات الغريب=لي من دياره مجتنب
هذي السنة أمر عجيب=رحمة من الباري عجب
أسقت بماها " ع " المغيب=بروق ومزون تشب
عريض شوفه هوب قبيب=مدهم ولا ياك بسحب
أبطى على الساحل صبيب=كسر دفوعه والخشب
فقعه تنظر في الحضيب=شرقي الحصاة أم الكتب
" ع " طوي حارب والعذيب =مخايله سوت عزب
على المرابخ والوعيب=وأثنى على سيح المهب
وأسقى خصب وأسقي عييب=وعلى العواضد واليلب
وأتحيده مطلع رقيب=شرق وزاغاه المهب
عقبه زخر عشب خصيب=تسمن الفاطر وشبب
الحج مازم كالاديب=من عقب مدلايه هذب
هذا جوابي يا الحبيب=لا فيه منقود وعتب