دار فكري يوم شفت الولم دار=واستمر السير في الميل الكبير
لو عطاني منوتي رحت المطار=واستلمت الباس من عند المدير
ولو بغيت أشوم مالي بأقتدار=وان بغى رب الملا لازم تسير
اشتكي لك حار فكري واستدار=حاير ما شوف لي غيرك شوير
بن محمد ألتمس مني قرار=يا ولد كن لي على الشكوى نظير
من ثلاث شهور ضيعت الأفكار=ما هتجي لي في الحشا كود الزفير
ما عرفت اللي بدى حالي وصار=وابتدل حال الصفا بأحوال غير
بي وزا بي هم بي ويج وعزار=وسط قلبي تشتعل نار سعير
من هجر حل دعى في الجوف نار=تشتعل وسط الحشا ولها زفير
وأن ضواني الليل وافيت الأسهار=ما يغضي طارف العين النظير
وأن بدى نور الفجر وضح النهار=صابني حر بدى وقت الهجير
ذا سبب من لي قنص قلبي وطار=صيد حر في فضا جوه يطير
بو نهود شبه تفاح صغار=والصدر نوره كما البدر المنير
والثنايا شبه يكات الأبحار=والأشافي ريقهن يبري الكسير
بو عيون مدعجات بأنتظار=والخشم يشبه على سيف جرير
مقرن الحجات مهضوم الأخطار=متعبني صاحب الوجه المنير
بو جدايل فوق نهدينه أحدار=ينحشن بالقايني ومسك ذرير
ليت من شله على حول غزار=داخلات السن حجبات البعير
واسترد الشان بالزبن استجار=عند شيخ حق به من يستجير
عند صقر حاكم الساحل قرار=ولد شيخ ما ولى شوره وزير
قاسمي ما ولاه المستشار=جاري حكمه ولا له في المدير
ذا وصلوا عد ما نف الأمطار=ع النبي المبعوث شفاع ومجير