يا شيخ يا شخبوط افهم مقالي=عمّا جرى لي من تغايير الاحوال
دارت عليّه غادرت الليالي=وامرٍ قضاه الله ما يمنعه حال
يا صاحب العظمه ويا بو العوالي=يا مزبن الخايف وحمال لاثقال
من هيبته تفضح جميع الرجالي=ومسجّد الديره بقوات ورجال
وبعزم أقوى من صخور الجبالي=حامي حدوده من عدوّه الى عال
ينسرّ به قلبٍ من الخوف مالي=وآل بوفلاح الهم تذاكير وافعال
ردّيت شاني فيك واقبل سوالي=لي فيك ما خاب الرجا والتوسّال
من تلحقه شمسٍ ولا له ظلالي=يا والتجى في الشجرة اللي لها ظلال
بالحكم انا راضي على كل حالي=وفي لازمك حاضر ولودوني ارمال
وانا تحت حكمك من أوّل وتالي=إنفع لمضيومٍ عليه الدهر مال
مالي ولد عمٍ قويٍ بمالي=هذا ولا لي ينفع اليوم رجال
ولا انا من اللي الله عطاهم حلالي=ولا انا من التجار لي تملك المال
لي شيبةٍ عمٍ بقى في التوالي=ماله قليل وعنده عيال جهال
وامٍ عجوزٍ مالها اليوم والي=من غيرأنا والله ما عندها اعيال
صلاة ربي عد ريح الشمالي=على نبيٍ خصه الله بالارسال