يا مرحبا يا ذروة المجد سلطان=مليون واكثر من ضميري صراحه
اعداد ماهز الهوى روس عيدان=والماطر اللي تمتلي به بطاحه
في يوم وصله نورت كل الاوطان=واستبشرت بوجود وجه السماحه
طير الفرح غنى على روس الاغصان=مستبشرٍ ليله ومطلع صباحه
مثل القمر لي من بعد غيبته بان=به تنجلي ظلما الكدر في انشراحه
في غيبته شفنا الشهر جملة أزمان=واليوم يمضي عن سنه فى رواحه
الشهم توقاته كما فرخ شيهان=صوب العلا ما ينتكس في المطاحه
والحر لي من شاف ضيم ونقصان=شفته على السحاب فارش جناحه
سلطان بن زايد سلالة نهيان=شبل الأسد ما تنوطا له مساحه
الطيب طبعه والمراجل بعرفان=اتعرفها من هيبته وا نشراحه
الحزم له فى العزم والحق برهان=واللي عزم فى الأمر يظهر نجاحه
مستبشرٍ وجهه بنورٍ ورضوان=فيه الرضا فيه الفرح والنصاحه
سلطان بن زايد على الظلم سلطان=والحق يفرح به ومطلق سراحه