البارحة جفني جفا النوم ما ذال=سهير الكرى والناس في النوم ذايله
متحير متضايق الفكر والبال=اقاسي هموم في سما القلب هايله
وانا شاكي لذربين الافعال=أهل مجلس فيه الشغاميم ضايله
شكيت راجي منكم الرد في الحال=ومن ينشد العراف يعطي مسايله
وأنا ولو سالي فلا قلت الأمثال=لكن بي هجر له أحوال حايله
حبي لمن يدرى من الجيل الوقال=ترف الشباب وضافيات جدايله
قلبي تبلى بحب بوعود ميال=وبمضمره زانت ردوفه عزايله
يا خل ما تنظر لحالي ولا تسال=فيه وراقب كل حي تسايله
تسعى كما الطاووس معجب ومختال=بعود لدين ومايلات شمايله
وعلى أوجانه ما حلى حبة الخال=ونهدين من تحت البرنصيص شايله
هلا هلا يا مرحبا حي هالفال=وبي روف يا منسوب من خير عايله
لا توضع أوراقي في سلات لهمال=ويغريك حسادك وتسمع عذايله
متراه بالمرصاد باقي ولا يزال=وراعي المقاصد ما تغرك دغايله
وغديرك الصافي يسويه لك لال=وتقنع ولو لا حظت " كرته ، فايله "
هذا ووفقتم إلى خير الأعمال=صف النوايا وتنعدل كل مايله
تمت وصلى الله على خير الأرسال=محمد المختار خاتم رسايله