آه يا من غرق في بحر الغرام=في غيوب النجم في وقت المصيف
مختفي والبر من دونه قتام=في غميق اللج موج له قصيف
شاكي لسالم الجمري الهمام=عزوتي في خاطري لها رجيف
أنت ساعدني على بلوغ المرام=من سبب لأنك معي رجل شريف
لي شراتي يا سنادي ما يلام=ناهبني راعي اللفظ اللطيف
قادني قود النجيبة بالزمام=نابي الردفين مهضوم النصيف
زارني في الليل شخصه في المنام=زارني وقت السحر في وصف طيف
وانصرف عني ولم يبدي كلام=قلت له ارجعيا بوعود صخيف
قال هل ترجع جياد بلا لجام=قلت ترجع كان راكبها صريف
ألتفت بالجيد كجيد الآرام=وأسفرت الأنوار من برق الخريف
وغرة كأنها بدر التمام=بو نهود تحتهن خصر نحيف
راقب الله واتقي النفس الحرام=والهجر لي منك يكفي يا وليف
يا نديمي يوم مارد السلام=هوب من رخصك لكني مستخيف
وقفوالي كنهم عسكر نظام=واكتفينا شر حساد عنيف
نرتجي من بعد هذا الإنصرام=نلتقي معكم على أنسه وكيف
ما حلا رشف الثغر عقب المدام=وارتشاف الخد من تحت السفيف
نختلي بمنادمة حور الخيام=منتهي الآداب والقلب العفيف
والولي لو عرضوا لي صف يام=والجموع اللي بيارقها رفيف
ما رجعني عنك حمال الوسام=يا لطيف الجنس يا الزاكي الشريف
ألف صلوا عد ما يسجع حمام=ساجعات فوق مرتفع منيف