تهنا عيون شافت مود=من عقب بعد وشوح وصدود
يا وادي الرحلات تسعد=بمن كان بك بالأمس موجود
يا ليته مخيم ولا شد=للمنتخب بانسعى وفود
أنا أشهد أن قيلك حد=هنيت به ما هوب محسود
لين العصر قيلك مبرد=هو والرفاقة ومنتخب خود
تنف العقارب لي على الخد=بمخمرية ومن دهن عود
ما ريت أقسى منك وآشد=وصبرك على التوديع يا عود
واسأل المولى لك عسى يرد=ورحلة ضحى الجمعة لك تعود
يرجع وفي ضلتك يقعد=ومرافقينه حوله قعود
بجوار لباس الزمرد=لي فيه زاين طقم لعقود
بنوع الجمال أناقه وقد=بإسلوب الأول عقل وركود
مهما سعى بالحاضر وجد=ما على سطح الأول صعود
ومعهم زعيم الشعر الأوحد=ويكفي من حاضر بالوجود
وكل شعراء الواحة بتشهد=لك بالفخر يا الوادي شهود
يسقيك سحب ما له ملد=سيله بليا برق ورعود