خذ القلم خط الشعر بالبراهين=تكفى وتوضح كل حرف مكانه
من بعد صبه بقالبه والموازين=وخلاف ذا ترجعونه لشانه
أهداف مرسوله برسم العناوين=موفق وفيك الثقه والأمانة
ثم سلم المكتوب لطير النبيين=الهدهد يرعى الذكا والفطانة
وهذي الامانه روح يا بو جناحين=رجاي تسليم السجل في أحضانه
ميه بالميه ما منهم شي يبين=عنه لا تعلم ذويه وجيرانه
عليكم سلام الله يا أريش العين=ياللي عروضك من الدنايا مصانه
وين السعد هذاك يا سيدي وين=كنا نتأمل لو بقي في مكانه
بالروف يا مقسوم من نص قسمين=أن ثار يشكي من ردوفه ميانه
كملك ربك بالرجاحة وبالزين=وبنطقك الجذاب باللطف زانه
من نال قربه واصبحوا جمع الاثنين =كنه محصل من أم الشيف دانه
يا خير يوم فيه لقيا المضانين=وكل يعبر ما جرى من زمانه
من عقب غيبه طولت مدة سنين =لا هو علم مني ولا من بيانه
حبل الصلة مقطوع ما بينا البين=وكل واحد منا يقاسي ضمانه
لا تتركون الحال من حلقة الدين=مرهون فيكم والمحبة رهانه