يا ناظري من ذا الخلا روف=أدعيت بالجفنين رفاف
هذا خلج عبرة ولو شوف=مدري فرح لو هم واحساف
حبه بقلبي لاعب صنوف=راعي القون لي فيه زنجاف
تحت السويتر حط نفنوف=جدايله ع متونه أرضاف
أن حط عقود وشك لحروف=يلعب بقلب الشاقي أسراف
لابس قيل ومدلغ بصوف=يا ناعم اللبة والأطراف
يقيد الرفقة بمحلوف=على غريب الدار لي طاف
يأمر وله عمال وقوف=ثقال وإلا في أمره خفاف
تحت المساند زل رضوف=زل يعرف أن جر الأسفاف
حق الترحب هوب مكلوف=وأن ثرت ثار وياك ينداف
لازال يبرالك بالكتوف=والباب فرق بين لكفاف
لابد ما نزوره بمكشوف=في شي من الجيبات لخفاف
ساعة وراس الخور بيطوف=بالحل يوم تلم الأولاف