يا الله اني طالبك وانت للدّعوه مجيب=ترحم النفس الشروقه بكل احساسها
ما يهنيها طعامٍ ولاحلو الشريب=والعيون الساهره ما يطيب انعاسها
في ديارٍ لا مساجد ولا تسمع خطيب=والكنائس كل يوم ترن اجراسها
والمساجد كل مسجد على سقفه صليب=ما على الكعبه موجّه مسيّس ساسها
ما تصلي الفرض فيها لربك يا غريب=ديننا الاسلام ماهوب دين اجناسها
ما تعرف الشرق فيها ولا جهة المغيب=لا شمال ولا جنوب كفا الله باسها
النهار أطول من الليل له صبحٍ قريب=والمواقيت اطمست ما تعرف اقياسها
ديرةٍ لو هي عشيبه وماطرها صبيب=الغريب يملها ما يطابع ناسها
نحن في خيرٍ ونعمه وصحتنا تطيب=بس شوق الدار لقلوبنا حماسها
أخويا شيخٍ عزيز ومن نسلٍ نجيب=عنده اذياب العسر ما تسن أضراسها
من نسل قومٍ اكرامٍ وسقمٍ للحريب=المعزه والكرامه لهم من ساسها
في محمد بن بطي كل معروف وطيب=يسلك العدله وطرق الخطا ما داسها
راقي العليا ولو كان مرقاها صعيب=هوب كل من رقاها قبض في راسها
يا ديار العز يا لله عسى وصلك قريب=ديرةٍ نحيا بعرقها وطيب أنفاسها
انتهى لعلاج عندك ورخّص يا طبيب=خذ ملفاتك وحافظ على قرطاسها
ألف صلى الله على المصطفى طه الحبيب=عد مانسنس من المطلعي نسناسها